26 October 2011

Garnleiðangur

Í dag gerði ég nokkuð sem mig hefur lengi langað til.

Ég fór í garnleiðangur!


Sofia frænka sem er í heimsókn á Íslandi vildi fá að sjá hvaða garn Ísland hefur uppá að bjóða.
Sofia er eins og ég - við elskum báðar akríl - og það var yndislegt að fara í búðir með e-m sem kann að meta það sama og ég sjálf.

Þótt það sé skammarlega lélegt úrval af akríl garni hér á Íslandi þá kom það mér á óvart hve mikið var samt til. Þetta blogg er því tileinkað öllu því fallega akríl garni sem við fundum...og líka hinu sem var ekki alveg jafn fallegt.

Rúmfó: King Cole baby er til í 4 litum og kostaði í dag 595 kr. 100 gr. dokka.
Ég er btw ekki enn búin að jafna mig á því að Rúmfó hafi hætt að selja hitt King Cole garnið sem þeir voru með.

A4: Kartopu glimmer garnið var án efa sigurvegari dagsins. Það er svo geggjað flott! 100 gr. dokkar var á 920 kr. Fæst samt ódýrara í Fjarðarkaup.

Einlita garnið á þessari mynd er allt Kartopu líka.

Það er komið mjög flott úrval af litum í Aran garninu. 400 gr. dokkur á 2200 kr.
Þetta garn er tilvalið í að stór zikk zakk teppi.

Carolina garnið. Skemmtilegir litir...en mér finnst það samt í dýrari kanntinum. 50 gr. dokka er á um 600 kr.

Sofia átti erfitt með að hemja sig.

Fjarðarkaup: eru líka með Kartopu garnið. Þar kostar dokkan 833 kr. Þeir eru líka með stóru Aran dokkurnar en þær kostuðu 2400 kr. sem er dýrara en í A4.

Föndurlist í Mörkinni eru með mikið úrval af akríl garni...en það er misgott.
Þessar dokkur Red Heart soft touch eru 140 gr. og kosta 1595 kr. Sem mér finnst í dýrari kanntinum, en þeir voru með nokkra góða liti.

Julia garnið er hræódýrt einlitar 50 gr. dokkur eru á 285 kr. og...

...sprengdar dokkur eru á 430 kr. Litirnir eru mjög flottir en þetta er frekar gróft akríl garn og mögulega ekki svo gott fyrst það er svona svakalega ódýrt.

Þarna voru líka Bernat 100 gr. dokkur af sprendu garni á 1190 kr. Mér finnst það frekar dýrt því garnið var ekki það spes. Einlitu dokkurnar voru 50 gr. dokkur af Mary Maxim's baby's best á 595 kr. Það garn var bara til í væmnum barna litum en er mjög mjúkt.

Föndurlist er líka með þetta Red Heart super saver garn.
Ég veit að heklarar í USA nota þetta garn mikið. Þetta eru stórar dokkur og flottir litir. Eeeen það er svo rosalega gróft að ég veit ekki hvort mig langar að hekla úr því. Kannski gæti það verið fínt í stór teppi og hekla þá með mjög stórri nál. Veit samt ekki.

Í A4 var líka hægt að fá fullt af glimmer þráðum. Það er pottþétt hægt að nota þá til að gera sitt eigið glimmergarn.

Oooog svo smá fyrir þær sem eru að hekla krukkur eða bjöllur eða annað slíkt.

A4 eru með gott úrval af hekl garni nr. 10 í flottum litum. Þetta er Babylon garn og dokkan kostar 943 kr.

Föndurlist eru svo með Aunt Lydia's garnið, sem er líka hekl garn nr. 10, í nokkrum litum. Dokkan kostar 895 kr.
Er ekki alveg viss en held samt sem áður að það sé meira á Aunt Lydia's dokkunum en Babylon.
Það er líka hægt að kaupa stóra Aunt Lydia's dokkur sem eru næstum 1000 metrar (sem er helling) á 1990 kr.

Það er ekki hægt að fara í garnleiðangur á þess að kaupa sér garn. Ég keypti þó ekki mikið. Bara 3 geggjaðar glimmer dokkur af Kartopu.

Mar á aldrei nóg af glimmergarni er það nokkuð?!

10 October 2011

Hægt og rólega hefst það

Ég er að fá smá raunveruleika tékk um þessar mundir. Ég hélt að lífið yrði svo einfalt og auðvelt þegar ég færi í Háskóla. Ég myndi nú pottþétt hafa meiri frítíma til að sinna áhugamálum meira en þegar ég var í fullri vinnu. En svo er ekki aaaalveg raunin. Það er hörkupúl að vera í Háskóla og ég hef minni tíma til að hekla ef e-ð er og hvað þá að blogga um þetta litla hekl mitt.

En ég er þó búin að vera að hekla smá. Er byrjuð að hekla aðeins fyrir jólin og svo er ég byrjuð á nýju barnateppi. Í þetta sinn handa sjálfri mér. Eða réttara sagt mínum eigin erfingja. Það er víst alveg kominn tími á að gera það opinbert en ég á von á litlum gaur þann 17. febrúar 2012.


Ég er nú þegar komin með eitt teppi handa gaurnum mínum þar sem systir mín (sem er sett 17. janúar 2012) á von á stelpu en ekki strák eins og hún var svo viss um.

Mig langaði að gera e-ð nýtt og öðrvísi en ég er vön að gera. Og ég ákvað að gera sér teppi sem á að vera rúmteppi. Ég fann um daginn á þessu hekl bloggi svo geggjaðann ferning sem ég varð að gera. Uppskriftina er hægt að fá hér á Ravelry.

Ég tók myndir af ferningnum í gegnum ferlið og ætlaði að gera svona töff hreyfimynd. En e-ð voru Photoshop hæfileikar mínir að svíkja mig. Svo engin hreyfimynd.

Umferð 1

Umferðir 2 & 3

Umferðir 4 & 5

Umferðir 6 & 7

Umferðir 8 & 9

Ferningurinn er alls ekki erfiður að hekla. En þar sem ég hef ekki allan tímann í heiminum þá mun það örugglega taka mig smá tíma að gera það. Ef mælingar mínar eru réttar þarf ég að gera 50 ferninga og ég er búin með 12.

Þar til næst...