16 April 2013

Næsti kollur takk

Veit ekki hvort ég minntist á það í fyrra koll blogginu mínu en ég keypti tvo kolla í Góða. Annar var ætlaður Móra og hinn Aþenu. Það tók mig aðeins lengri tíma að gera Aþenu koll. Gerði reyndar tvær útgáfur. Þessi fyrri sem ég sá svo flott fyrir mér í hausnum á mér var bara alls ekkert flott þegar komið var á kollinn. 


Ég var þó sátt með síðari útgáfuna og finnst mér hann bara soldið sætur. 
Uppskriftina fékk ég á bloggi hjá heklara sem kallar sig byPetra.



Finnst kollurinn bara passa vel inn hjá prinsessunni.


Kollarnir tveir saman.
 

Ólíkir en báðir flottir - þótt ég segi sjálf frá.



04 April 2013

Gamalt: Séð úr síma

Var á bókasafninu í dag. Átti að vera að læra en var svo engan vegin að nenna því. Og hvað haldiði? Auðvitað fann ég mér eitthvað hekltengt til að gramsa í í staðinn. 

Fann endurprentun að handavinnubók sem var gefin út árið 1886 og var líklegast sú fyrsta sinnar tegundar sem gefin var út á íslensku. Í bókinni er að finna 48 uppdrætti að hekli.


Þær taka fram í bókinni að uppskriftirnar séu fengnar að utan og séu þýddar. Og það var magnað að sjá hvað lítið hefur í breyst í heklinu. Það sama gamla rúllar hring eftir hring.


Í bókinni er að finna BESTU hekluppskrift sem ég hef nokkurn tíman séð. Uppskriftin að þessum ferningi hljómar svo: "Uppdráttur þessi er svo glöggur, að auðvelt er að hekla eptir honum".


Klassík!